شاندی پەرلەمانی کوردستان گەیشتە شاری عەفرین لە رۆژئاوای کوردستان و بەرپرسێکی کانتۆنەکەش روونکردنەوە دەدات.



بەپێی هواڵێکی ئاژانسی (هاوار نیوز)، شاندی پەرلەمانی کوردستان شەوی یەکشەممە 11/2/2018 گەیشتووەتە عەفرین و سەدان خەڵکی شارەکە لە پێشوازییان دابوون.



هێڤی مستەفا، هاوسەرۆکی ئەنجومەنی جێبەجێکردنی کانتۆنی عەفرین لەمیانی پێشوازیکردنی لە شاندەکە، رایگەیاندووە، سەردانەکە هۆکارێکە بۆ بەهێزکردن و یەکریزیی کوردی.



ئەو پەرلەمانتارانە، کە نوێنەرانی هەر پێنج پارتی کوردستانی دەکەن، دەیانەوێ لە نزیکەوە ئاگاداری رەوشی عەفرین بن دوای هێرشی سوپای تورکیا و زانیارییەکان بگەیەننەوە بە پەرلەمانی کوردستان.



ئەندامانی شاندەکە:



- عەلی هالۆ، پەرلەمانیتاری پارتی

- سوهراب میکایل، پەرلەمانتاری یەکگرتوو

- عەباس فەتاح، پەرلەمانتاری یەکێتی

- ئەبو کاروان، پەرلەماناری شیوعی

- شێرکۆ حەمەئەمین، پەرلەمانتاری گۆڕان



لە رۆژی شەممە 20/1/2018ـەوە، سوپای ئازادی ئۆپۆزیسیۆنی سووریا و سوپای تورکیا بە بەکارهێنانی هێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلە زەیتوون)، هێرشیان کردووەتە سەر شاری عەفرین لە رۆژئاوای کوردستان.



باسنیوز