ده‌زگای خێرخوازی بارزانی رایگەیاند هاوشان له‌گه‌ڵ حكومه‌تی هه‌رێمی كوردستان له‌لایه‌ن وڵاتی كوێته‌وه‌ بانگهێشتنی كۆنگره‌ی ئاوه‌دانكردنه‌وه‌ی عێراق كراوە، كە رۆژی 12/2/2018 ده‌ست به‌كاره‌كانی دەكات.


دەزگای خێرخوازی بارزانی وەک دەزگای خێرخوازی لە هەرێمی کوردستان بەناوی دەزگایەکی مرۆیی هاوڕێ لەگەڵ چەند رێکخراوی دیکەی عێراقی و نێودەوڵەتی بانگهێشتی کۆنگرەی ئاوەدانکردنەوەی عێراق لە وڵاتی کوێت ده‌كرێ و تیایدا ئامانج و پره‌نسیپه‌كانی چۆنێتی ئاوه‌دانكردنه‌وه‌ی عێراق ده‌خاته‌ڕوو و له‌گه‌ڵ پێشاندانی كار و چالاكییه‌كانی ده‌زگاكە له‌ ماوه‌ی رابردوودا كه‌ توانیویه‌تی خزمه‌ت به‌ ئاواره‌ و په‌نابه‌ران له‌ هه‌رێمی كوردستان بكات.


ئامانج لە بەشداریکردنی ده‌زگای خێرخوازیی بارزانی لەو کۆنگرەیە خستنەڕووی پرۆژە و پلانەكانیانە لەڕووی هاوکاری و یارمەتی مرۆییەوە بۆ ئاوەدانکردنەوە، بەتایبەت ناوچە کوردستانییەکان و دەشتی نەینەوا، شنگال و زوممار. هاوکات گرنگیەکی زۆر بە دەزگای خێرخوازیی بارزانی دراوە و لەوێ پیشانگەیەکی تایبەت بۆ کار و چالاکییەکانی تەرخان کراوە و بە گرنگییەوە بەشداری ده‌كه‌ن.
bas news-