یەکێتیی تۆپی پێی ئاسیا یاریگایەکی هەرێمی کوردستان دەخاتە لیستی ئەو یاریگایانە، کە دەتوانرێ یارییە نێودەوڵەتییەکانیان لەسەر ئەنجام بدرێت.



رۆژی یەکشەممە 11/2/2018، شامل کامل، راوێژکاری یەکێتیی تۆپی پێی ئاسیا لە بەیاننامەیەکدا رایگەیاندووە، نوێنەری یەکێتییەکە بەم دواییانە سەردانی هەرسێ یاریگای زاخۆ لە هەرێمی کوردستان و میسان و شەعب لە عێراقی کردووە و بڕیارەکەی داوە.



شامل کامل هەروەها رایگەیاندووە، پێشتر یەکێتییەکە هەرسێ یاریگاکانی شەهید فەرەنسۆ هەریری لە هەولێر، کەربەلا و بەسرەی خستبووە لیستی ئەو یانانەی، دەتواندرێ یارییە نێودەوڵەتییەکانیان لەسەر ئەنجام بدرێت و ئێستاش هەمان بڕیاری بۆ یاریگاکانی زاخۆ، میسان و شەعب دەرکردووە.









باسنيوز