وا بڕیارە سبەینێ یەکشەممە دانیشتنەكانی ئەنجومەنی نوێنەرانی عیراق لەسەر پرسی یاسای هەڵبژاردنەكان و بودجەی ساڵی 2018 ی عیراق دەست پێ بكاتەوە، كوردیش دەیەوێت ڕێگری لە ئەنجامدانی دانیشتنەكە بكات.



مەسعوود حەیدەر، پەرلەمانتاری فراكسیۆنی گۆڕان لە پەرلەمانی عێراق ڕاگەیاند سبەینێ یەکشەممە 2018/2/11 سەرجەم فراكسیۆنە كوردستانییەكان بڕیاری بایكۆتی دانیشتنەكەیان داوە، چونكە فراكسیۆنەكانی دیکەش دەیانەوێت بە زۆرینەی دەنگ یاساكە تێپەڕێنن.



ئەو پەرلەمانتارە گوتیشی: "ئەوان ڕێگر دەبن لە ئەنجامدانی دانیشتنەكە تاكوو لەگەڵ كورد نەگەنە ڕێککەوتن.



بە گوتەی ئەو پەرلەمانتارە كوردە تا ئێستا هاوپەیمانیی نیشتیمانیی شیعەكان و لایەنە سوننەكان بۆڕ ێكکەوتن لەگەڵ كور لەسەر پرسی بودجە هیچ دەسپێشخەرییەكیان ئەنجام نەداوە دەیانەوێت بە زۆرینە وەكوو یاساكانی دیکە پرسی بودجە و پشكی كورد ئەوەی كە دیارییان كردووە، تێیپەڕێنن.



ڕێکەوتی 2018/2/5 لە دانیشتنەكانی پەرلەمان كە خوێندنەوەی دووەم بۆ پرۆژە یاسای بودجە كرا کە فراكسیۆنە كوردییەكان ڕێگرییان لە خوێندنەوەی یاساكە كرد و دانیشتنەكەیان پەك خست بەهۆی ئەوەی تا ئێستا داواكارییەكانی كورد لە بودجەی عێراقدا جێبەجێ نەكراوە.





باسنیوز