قوتابیەکی دھۆکی دو سالە ل ئۆلمپیاتێن زانستی ل سەر ئاستێ جیھانێ سێیەم دەردچیت
عومەر عەلی تەھا، رێڤەبەرێ گشتی یێ پەروەردێ ل پارێزگەھا دھوکێ، ئاشکرا کر، مە ئەڤرۆ رۆژا پێنچشەمبی پێشوازیا شاندەکێ کارگێری و مامۆستایێن کولێژا ئیشق ل دھۆکێ و قوتابیێ سەرکەفتیێ سێێ ل سەر ئاستێ 51 وەلاتان کر و ئەڤ ئۆلمپیاتە د زانستی و ئەکادیمی نە و بەریکانێن وان ھەموو د بیاڤێ زانستی دانە.
خویاژی کر کو د روونشتنەکێ دا شاندێ مێڤان و قوتابی (عەبدولودود عەبدولقەدیر عەبدولخالق) بەحسێ ئولمپیاتێن ھاتینە کرن ل وەلاتێ ھولندا کو 51 وەلاتان و 6 قوتابیێن پارێزگەھا دھۆکێ پشکداری تێدا کری و پلا سێیێ ل سەر ئاستێ پشکدارێن ئولمپیاتان دا ئینانە.
ناڤبری دیار کر ژی کو ئەڤە بۆ ماوێ دوو سالانە ل دووڤ ئێک شیایە پلا سێیێ بینیت و ئەڤ چەندە ب پێنگاڤەکا باش ل قەلەم ددەین و داخوازا سەرکەفتنێن مەزنتر بۆ دخوازین و گۆت ژی: ب ڤێ ھەلکەفتێ مە وەکو رێڤەبەریا گشتیا پەروەردا پارێزگەھا دھۆکێ خەلاتەک پێشکێشی قوتابیێ سەرکەفتی کر.
ئاشکرا ژی کر کو ئەڤ قوتابیە ل سالا 2017 ژی د ئۆلمپیاتێن ئەندونیسیا دا پشکدار ببوو و د وێ ئۆلمپیاتێ ژی دا ب ھەمان شێوە شیابوو رێزا سیێ ب دەستخۆڤە بینیت.
باسنيوز
