ئابێلاردۆ دی لا ئێسپێریلا، سەرۆکی کۆڵۆمبیا ڕایگەیاند، بوومەلەرزەکەی هەفتەی ڕابردوو زیاتر لە 9.58 ملیار دۆلار زیانی ئابووری بە وڵاتەکەی گەیاندووە.

ڕۆیتەرز ڕۆژی سێشەممە ١٧ی ئاب لە ڕاپۆرتێکدا ڕایگەیاند: کە ئابێلاردۆ دی لا ئێسپێریلا سەرۆکی کۆڵۆمبیا ڕایگەیاند، کە بوومەلەرزەکەی هەفتەی ڕابردوو زیاتر لە ٩.٥٨ ملیار دۆلار زیانی ئابووری بەو وڵاتە گەیاندووە.

ئاژانسی هەواڵی ڕۆیتەرز ڕایگەیاندووە، زیانەکانی کەرتی بیناسازی و ژێرخانی وڵاتەکەی گرتووەتەوە.

بەگوێرەی ڕاپۆرتەکە، دی لا ئێسپێریلا ئاماژەی بەوە کردووە کە ئەگەری گۆڕانکاریی ئەو ژمارانە هەیە، ئاماژەی بەوەشکردووە، ئەمە ئامارێکی سەرەتاییە کە گۆڕانکاری بەسەردا دێت لەگەڵ دەستکەوتنی زانیاری زیاتر و هەڵسەنگاندنی زیانەکانی بوومەلەرزەکە.

هەفتەی ڕابردوو بوومەلەرزەیەک بە گوڕی 7.4 پلە باڵەخانەکانی ناوچە جیاجیاکانی ڕۆژئاوای کۆڵۆمبیای ڕووخاند، لەنێویاندا شارە گەورەکانی کالی و پێرێرا و 280 کەس گیانیان لەدەستدا و زیاتر لە 400 کەسیش بریندار بوون و 143 کەسیش بێسەروشوێن بوون.

ئەمەش لە کاتێکدایە کە ئەو بوومەلەرزانەی لە ٢٤ی حوزەیران ڤەنزوێلای هەژاند، زیانی زیاتر لە ٣٧ ملیار دۆلاری بە خانووبەرە و ژێرخانی گەیاندووە،

 

 

گوڵان: سەردار خەلیل