رێڤەبەرێ خالا سنوری یا سەرزێری سەر قەزا ئامێدی دیارکرکو ل گۆری رێکەڤتنا ناڤبەرا ھەرێما کوردستانێ و تورکیا دا ھاتیە کرن دەواما خالا سنوری یا سەرزێری ھاتە زێدەکرن وبھنڤەدانا نێڤرۆ ژی ھاتە کێمکرن دا پتر رێڤینگ ھاتن وچوونێ بکەن.



عیرفان سلێمان، رێڤەبەرێ خالا سنوری یا سەرزێری سەر قەزا ئامێدی، دیارکر: "پشتی مە سەرەدانا چەلی و وانی کری ودان وستاندن دگەل تورکیا ھاتینە کرن ل گۆری رێکەڤتنا ناڤبەرا ھەرێما کوردستانێ وتورکیا دا دەواما خالا سنوری یا سەرزێری ھاتە زێدەکرن، بەری نوکە رۆژانا ژ دەمژمیر ھەشتی سپێدی ھەتا چاری ئێڤاری ھاتن وچوون ھاتە کرن ل نێڤرۆ بۆ ماوی ئێک دەمژمیر بوو بھنڤەدان لێ ژ ئەڤرۆ وپێڤە دێ رۆژانا ھەشت سپێدی ھەتا پێنچێ ئیڤاری دێ دەرگەھی سنوری یێ سەرزیرَی دێ ڤەکری بیت ل نێڤرۆ ژی ئەو دەمژمێرا بھنڤەدانی ھاتیە کێمکرن دێ 45 دەقیقە بھنڤەدان بیت بۆ خوارن دێ دەست بکارێ ھێتە کرن".



خۆیا ژی کر: "بزاڤ یێن ھەین ل ھەیڤا بھیت یان ژی ل ھەیڤا نیسانی ھیشتا دەمژمێرین دەوامی بھێنە زێدەکرن ھەتا دەمژمیر شەش ئێڤاری دەرگەھی سنوری یێ ڤەکری بیت".
bas news-