ئەندامێكی پەرلەمانی كوردستان ڕای دەگەیەنێت، بڕیارە ئەمڕۆ سێشەممە پەرلەمانی كوردستان بۆ تاوتوێكردنی پڕۆژە یاسای زیادەڕۆیی لەسەر موڵكی گشتی كۆ ببێتەوە.



شوان ئەحمەد، ئەندامی پەرلەمانی عێراق، ڕاگەیاند: بڕیارە ئەمڕۆ سێشەممە 6/2/2018، پەرلەمانی كوردستان كۆ ببێتەوە و لەو كۆبوونەوەیەدا تاوتوێی پڕۆژە یاسای زیادەڕۆیی لەسەر موڵكی دەوڵەت دەكرێت".



ئەو پەرلەمانتارە، گوتیشی: "هاوكات تاوتوێی پەیڕەوی ناوخۆیی پەرلەمانی كوردستان دەكرێت، كە پێشتریش لەسەر ئەم تەوەرە گفتوگۆ كراوە و کۆبوونەوەکەی ئەمڕۆ درێژەپێدەری گفتوگۆكانی پێشوو دەبێت".



بڕیارە سبەینێ چوارشەممە 2018/2/7 سەرۆکایەتیی حکوومەتی هەرێمی کوردستان و کۆمیسیۆنی باڵای هەڵبژاردن و ڕاپرسی و سەرۆکایەتیی پەرلەمان و سەرۆک فراکسیۆنەکان لە پەرلەمانی کوردستان بۆ تاوتوێی کاتی هەڵبژاردنەکانی هەرێمی کوردستان کۆ ببنەوە.





باسنیوز