قایمقامی شاری کەلار، ئاماژە بەوە دەدات، کە ماوەی ھەفتەیەکە لەلایەن حکوومەتی بەغدادەوە ھیچ بڕە نەوتێک بۆ سنووری شاری کەلار نەنێردراوە، بۆیە دابەشکردنی نەوت بەسەر ھاووڵاتییاندا دواکەوتووە.

شەھاب حاجی ئەحمەد، قایمقامی شاری کەلار، ڕایگەیاند: "ماوەی ھەفتەیەکە حکوومەتی بەغدا ھیچ بڕە نەوتێکی بۆ سنووری شاری کەلار نەناردووە، بۆئەوەی بەسەر ھاووڵاتیاندا دابەش بکرێت".


قایمقامی کەلار، ئەوەشی خستە روو، کە ھەرکات حکوومەت نەوتی نارد، پاش شارەدێی باوەنوور کە چەند گەڕەکێکی ماوە، دابەشکردنی نەوت لە کەلار دەست پێدەکات.



ئاشکراشی کرد، کە ئەو نەوتەی لەماوەی ڕابردوودا لەلایەن بەغداەوە نێردراوە، لەناوچە ساردەکاندا دابەش کراوە، بۆیە تائێستا سەنتەری شارەکە نەوتیان وەرنەگرتووە.










باسنیوز