رێڤه‌به‌رێ ناحیا سنۆنێ دیاركركو نوكه‌ خه‌لك زڤرینه‌ ده‌ڤه‌رى تووشى ئالووزیان بووینه‌ دترسن توركیا دگه‌ل عێراقى ئوپه‌راسیۆنه‌كا هه‌ڤپێشك ل شنگال ئه‌نجام بده‌ن دئه‌نجامدا ژى خه‌لكێ سڤیل بیته‌ قوربانێ.

نایف سه‌یدۆ، رێڤه‌به‌رێ ناحیا سنۆنێ دیاركر: " پشتى هیرشا توركیا بۆ سه‌ر عه‌فرینى ده‌ستپێكرى كوردێن ئێزدى ل خانه‌سۆرى و سنۆنێ و گوهبل و دووگرى وزوراڤا تووشى دوو دلى وئالوزیان بووینه‌ خه‌لك دترس عێراقى وتوركیا هه‌ر وه‌كو ئه‌وا نوكه‌ ل عه‌فرینى دهێته‌ كرن بسه‌ر وان ژى بكه‌ت ئه‌م داخازى دكه‌ن هه‌موو كێشه‌ ب ریێن دان وستاندنێ بهێنه‌ چاره‌سه‌ركرن و شه‌ر روونه‌ده‌ن ل هه‌موو جیهانێ ئاشتیى وته‌بایى وپێكڤه‌ ژیان به‌رقراربیت".

خۆیا ژى كر: " پشتى توركیا ده‌ست ب شه‌رى كرى ل عه‌فرینى كوردێن ئێزدى یێن به‌رى هاتنا حه‌شدا شه‌عبى زڤرینه‌ سنۆنێ تووشى قلقى بووینه‌ هه‌كه‌ رێك هه‌بن دێ جاره‌كا دێ ئاواره‌ بن".









باسنيوز