رێڤەبەرێ خۆپاراستنا ساخلەمیا دھۆکێ، دیار کرکو پێرابوونێن پێدڤی بۆ بەرھەنگاریا نەخۆشیا ئەنفلۆنزا بالندا یێن ھاتینە وەرگرتن، نۆکە دەرمانێ ڤێ نەخۆشیێ یە ھاتیە دابینکرن بۆ ھەر حالەتەکێ پەیدا بیت د ناڤ پارێزگەھێ دا.

د. سیروان مەحمەد ئەسوەد، رێڤەبەرێ خۆپاراستنا ساخلەمیا دھۆکێ دیارکر: "ھەتا نۆکە چوو حالەتێن ئەنفلۆنزا بالندا نەھاتیە تۆمارکرن، دێ ھەوەکا رەوشەنبیرکرنا خەلکێ دەست پێ کەت بۆ خوە پاراستنێ ب تایبەت ئەوێن راستەوخۆ سەرەدەری دگەل ئاژەلان دکەن، ھەر کەسەک سەرەدەریێ دگەل مریشکان بکەت پێدڤیە دەزگورکان بکاربینت و مریشکێ باش بکەلینن دیسا زەرزەوات و گوشت ژێک جودابکەن وھەر نیشانەکا نەنۆرمال ل سەر لەشێ مریشکان دیتن، سەرەدەریێ دگەل نەکەن".

خویا ژی کر: "ھەرکەسەک پەرسیڤەکا توند و تایا گران ھاتبێ پێدڤیە ب زووترین وەخت سەرەدانا بنگەە و نەخۆشخانەیان بکەت بۆ وەرگرتنا چارەسەریێ".










باسنيوز