بەڕێوەبەرایەتی راگەیاندن و پەیوەندییەکانی وەزارەتی دارایی و ئابووریی حکوومەتی هەرێمی کوردستان دەست پێکردنی دابەشکردنی مووچەی ڕاگەیاند.



بەپێی ڕاگەیاندراوەكه، رۆژی پێنجشەممە 25/1/2018، دابەشکردنی مووچە دەست پێدەکات و سەرەتا مووچەی وەزارەتی شەھیدان لەگەڵ کەس و کاری شەھیدان و ئەنفال و زیندانییانی سیاسی دابەش دەکرێت.



لە هەفتەی دواتریشدا تا ڕۆژی 1/2/2018، مووچەی زۆربەی دامەزراوە و فەرمانگەکانی حکوومەتی هەرێمی کوردستان دابەش دەکرێت.



وەزارەتی دارایی ئەوەی ئاشکرا کردووە کە ڕۆژی شەممە 27/1/2018، سەرەڕای پشووی فەرمی، دابەشکردنی مووچە بەردەوام دەبێت.



ئەمەش دەقی ڕاگەیاندراوەکەیە:

بەڕێوەبەرایەتی راگەیاندن و پەیوەندیەکانی وەزارەتی دارایی و ئابووری ڕایدەگەینێت رۆژی پێنج شەممە دابەشکردنی مووچە دەست پێدەکات و بەم شێوەیە:

یەکەم_ رۆژی پێنج شەممە ٢٥/١/٢٠١٨ مووچەی وەزارەتی شەھیدان لەگەڵ کەس و کاری شەھیدان و ئەنفال و زیندانیانی سیاسی دابەشدەکرێت.

دووەم_ رۆژی شەممە ٢٧/١/٢٠١٨ مووچەی وەزارەتی دارایی و ئابووری دابەشدەکرێت.

سێ یەم_رۆژانی یەک شەممە و دووشەممە ٢٨-٢٩/١/٢٠١٨ مووچەی وەزارەتی ناوخۆ و دەزگاری کاروباری مین دابەشدەکرێت.

چوارەم_ رۆژی سێ شەممە ٣٠/١/٢٠١٨ مووچەی ئەم وەزارەتانە دابەشدەکرێت.
١_ خوێندنی باڵا
٢_سامانە سروشتیەکان
٣_گواستنەوە و گەیاندن
٤_پلاندانان

پێنجەم_ رۆژی چوار شەممە ٣١/١/٢٠١٨ مووچەی ئەم وەزارەت و شوێنانە دابەشدەکرێت.
١_ ئاوقاف و کاروباری ئاینی
٢_ کشتوکاڵ و سەرچاوەکانی ئاو
٣_ کارو کاروباری کۆمەڵایەتی
٤_دەرماڵەی کۆمەڵایەتی
٥_ دیوانی چاودێری دارایی
٦_دەستەی مافی مرۆڤ
٧_ دەستەی ناوچە کوردستانیەکانی دەرەوەی ئیدارەی ھەرێم
٨_ پاراستن و چاککردنی ژینگە
٩_ دەستەی وەبەرھێنان
١٠_دەستەی دەسپاکی
١١ کۆمسیۆنی ھەڵبژاردن و راپرسی

شەشەم_ رۆژی پێنج شەممە ١/٢/٢٠١٨ مووچەی ئەم سێ وەزارەتە دابەشدەکرێت
١_ وەزارەتی کارەبا
٢_وەزارەتی ئاوەدانکردنەوە
٣_ وەزارەتی پیشەسازی و بازرگاکانی

تێبینی/ رۆژی شەممە ٢٧/١/٢٠١٨ سەرەڕای پشووی فەرمی، بەڵام دابەشکردنی مووچە بەردەوام دەبێت.