پەرلەمانتارێكی كورد دەڵێ، بڕیارە ئەمڕۆ لە رێگەی دەنگدانەوە پرسی ئەنجامدانی ھەڵبژاردنەكان یەكلا بكرێتەوە و، كۆتایی بەو پرسە دەھێندرێت.

تاوەكوو ئێستا چەندین جار پەرلەمانی عێراق ھەوڵی داوە پرسی ئەنجامدانی ھەڵبژاردنەكان لە عێراق یەكلا بكاتەوە كە حكوومەت وادەكەی بۆ دیاری كردووە و ١٢/٥ـی ئەمساڵە، بەڵام تا ئێستا لە نێوان فڕاكسیۆنەكاندا ناكۆكی لەسەر ئەو وادەیە ھەیە و لەسەری نەگەییشتوونەتە رێككەوتن.

لەو بارەیەوە، ئەندامی ئەنجوومەنی نوێنەرانی عێراق لە فڕاكسیۆنی پارتی نەجیبە نەجیب، بە ماڵپەری فەرمیی پارتی دیموكراتی كوردستانی راگەیاند، "سەعات ١١:٠٠ـی پێشنیوەڕۆی ئەمڕۆ، پەرلەمانی عێراق كۆبوونەوەی ئاسایی خۆی ئەنجام دەدات و تێیدا پرسی ئەنجامدانی ھەڵبژاردنەكان لە رێگەی دەنگدانەوە یەكلا دەكاتەوە، بڕیارە هەر ئەمڕۆیش ھەموو كوتلەكان داواكاریی خۆیان لەو بارەیەوە پێشكەش بكەن و دەنگدانەكەیش بە نھێنی دەبێت بۆ ئەوەی دیار بێت چەند پەرلەمانتار لەگەڵ ئەنجامدانیدان و چەندیش داوای دواخستنی دەكەن".

نەجیب گوتیشی، سوننەكان بە ئاشكرا داوای دواخستنی دەكەن و شیعەكانیش داوای ئەنجامدانی دەكەن، بەڵام كورد كێشەی لەگەڵ ئەنجامدانی ھەڵبژاردنەكاندا نییە.

لەبارەی پڕۆژەیاسای بوودجەیشەوە، ئەو پەرلەمانتارە ڕووونی كردەوە، لە كارنامەی كۆبوونەوەی ئەمڕۆدا پڕۆژەیاسای بوودجە نییە، چونكە ئەگەر ھەبێت، كورد و سوننە بایكۆتی دەكەن، بۆیە سەرۆكایەتیی پەرلەمان لە كارنامەیدا داینەناوە.
kdp-