پەكەكە ب ناڤێ خەلكێ شنگال دێ خوەپێشاندانێ كەت
ژێدەرەكێ ژ جڤاتا ناحیا سنۆنێ نەخواست ناڤێ خو ئاشكرا بكەت، تایبەت دیاركر: "پەكەكە ب ترۆمبێلان ل جادە و تاخێن سنۆنێ دگەریان وگازی دكرن دێ خوەپێشاندانەك هێتە كرن وداخاز ژ خەلكێ دكرن پشكداریێ د خوەپێشاندانێ دا بكەن. دووڤ بانگەوازیا پەكەكێ ژی دێ ب ناڤی خەلكێ شنگال داخوازیان كەن. هێشتا دیارنینە دێ ڤان داخوازیان ژ كێ كەن وچ داخازی نە".
وەیسی نایف، سەرۆكێ جڤاتا قەزا شنگال دیار كر: "پەكەكە و حەشدا شەعبی بناڤێ خەلكێ شنگال مەرەمێن خوە یێن سیاسی ل شنگال بجه دئینن. ئەم داخازێ ژ خەلكی خوە دكەین هوشیاربن خوە ژ پلانێن وان یێن سیاسی دوور بكەن چونكو هەتا پەكەكە و حەشدا شەعبی ل شنگال بیت رەوشا شنگال ئارام نابیت ئەو خوەپێشاندانان دكەن داكو ئارامی ل دەڤەرێ دروست نەبیت".
باسنيوز
