ئه‌مڕۆ 12ی کانونی دووەمی 2018، دوای هاتنەوە دەرەوەی نوێژخوێنان لە نوێژی هەینی لە مزگەوتی پیریادییەکانی شاره‌دێی شۆڕش له‌سنوورى چەمچەماڵ، تەقە لە نوێژخوێنان كرا و له‌ئه‌نجامدا كه‌سێك كوژرا و كه‌سێكى تریش به‌سه‌ختى بریندار بوو.

سەرچاوەیەک لە بەرێوەبەرایەتی تەندروستی چەمچەماڵ ڕايگەیاند: "دوو كه‌س کە بە گولـلە پێکرابوون، گەیەندرانە نەخۆشخانەی گشتی شەهید پێشڕەو، یەکێکیان گیانى له‌ ده‌ست دابوو، ئه‌ویش تریش به‌سه‌ختى بریندار كرابوو".

بە گوتەی ئەو کەسانەی لەگەڵ بریندارەکە بوون،: "له‌ ئۆتۆمبێلێکی جۆری ئۆپڵ لە کاتی دەرچوونی نوێژخوێنان لە نویژی هەینی تەقە ڕووەو ناو خەڵکەکە کراوه‌".

سەرچاوەکەی تەندروستی چەمحماڵ، گوتیشی: "کوژراوەکە ناوی (ع. ح. ش/ 67 ساڵ)ـه‌ و بریندارەکەش ناوی (ع. ع. ک/ 43 ساڵ)ـە، بەهۆی سەختی برینەکەیه‌وه‌ ڕەوانەی سلێمانی کراوە".










باسنيوز