ئەمڕۆ سێشەممە موفتی ویلایەتی كەركووكی داعش لە باشووری پارێزگای كەركووكدا كوژرا.


عەلی حسێنی گوتەبێژی میحوەری باكووری حەشدی شیعی، كوشتنی موفتی ویلایەتی كەركووكی ڕێكخراوی تیرۆریستی داعشی لە باشووری شارەكە لە رووبەرووبوونەوەیەكی سەربازییدا راگەیاند.


هەروەها ئاشكرای كرد كە هێزەكانی لیوای شازدەی حەشدی شیعی توانیویانە عەبدولقادر عزی موقتی ویلایەتی كەركووكی داعش بكوژن، لەگەڵ سێ لە هاوڕێكانی، ئەمەش لە میانی پرۆسەیەكی سەربازی لە باشووری شارەكە.


دووپاتیشی كردەوە حەشدی شیعی و هێزە عێراقیەكان بە هاوبەشی بەردەوامن لە راوەدوونانی چەكدارانی داعش لە حەویجە و ناوچەكانی دەوروبەری.
bas news-