گوتەبێژی بەڕێوەبەرایەتیی ھاتوچۆی ڕاپەرین، ڕای دەگەیەنێت کە بە ھۆی ڕووداوەکانی ھاتوچۆوە لە ساڵی رابردوو، 42 ھاووڵاتی گیانیان لە دەست داوە.



ئەمڕۆ دووشەممە 8/1/2018، خۆشناو حەسەن، گوتەبێژی بەڕێوەبەرایەتی ھاتوچۆی راپەڕین، لە پرێس کۆنفرانسێکدا، ئاماری ڕووداوەکانی ھاتوچۆی لە سنووری ئیدارەی راپەڕێن لە ساڵی 2017 خستەڕوو، ڕای گەیاند: "لە ساڵی 2017دا و لە سنووری ئیدارەی ڕاپەڕین 305 ڕووداوی ھاتوچۆ ڕوویانداوە، لە ئەنجامدا 42 ھاووڵاتیی گیانیان لە دەست داوە و 442 ھاووڵاتی دیکەش بریندار بوونە".



گوتەبێژی بەڕێوەبەرایەتی ھاتوچۆی راپەڕین، لە میانی ئەو پرێس کۆنفرانسەدا، ئەوەشی خستە روو، کە لە 2017دا 4 ھەزار و 990 مۆڵەتی شۆفێری بۆ ھاووڵاتییان دەرکراوە، 3 ھەزار و 803 سەرپێچی بە ھۆی خێرایی لێخورێنەوە تۆمار کراوە.
bas news-