ئهرمهنێن كوردستانێ دێ جهژنا خۆ گێرن
یهروانت ئهمینیان نونهرێ ئهرمهنان ل پهرلهمانێ كوردستانێ، دیاركر، سوبههى ههموو ئهرمهنێن كوردستانێ ب ناڤێ كهنیسا ئهرمهنى یا ئهرسودوكسى، دێ جهژنا بوونا حهزرهتێ مهسیح و جهژنا مهعموودیه پێكڤه ساخ كهن و ئهڤ جهژنه ههر سال ههر ژ دهستپێكا پهیدابوونا مهسیحیهتێ ل ناڤ ئهرمهنان دا دهێته ساخكرن.
نونهرێ ئهرمهنان ل پهرلهمانێ كوردستانێ ئاشكرا كر، دناڤ ئهرمهناندا، كهنیسا ئهرمهنی یا ئهرسودوكسى یا ئێكانهیه پاراستن ل سهر ڤێ جهژنێ و ڤى كهلتوورى كرى و ههتا نوكه سالانه ئهڤ جهژنه دهێته ساخكرن.
گۆتژى ههبوونا ئهرمهنان ل كوردستانێ دهستكهفتهكێ گرنگه و وهرگرتنا ئهرمهنان بۆ پۆستێ ئهندامهتیا پهرلهمانى دهستكهفتهكێ مێژووییه.
ئاشكراژی كر ئهرمهنان شهش جهژن میلاد یەسوع، قیامه یەسوع، ئینتقال عەزرا، عید سەلیب، عید رەشاش و عید سعود.
دیار كر كو پشتى ئهو هاتینه كوردستانێ و ئاكنجى بووین، فێرى زمانێ كوردى بووینه و ب كرمانجى د ئاخڤن. نوكه 47 خێزانێن ئهرمهنى ل قهزا دهۆكێ دژین. ههروهسان دو گوندێن ئهرمهنان ل پارێزگهها دهۆكێ ل قهزا زاخۆ ههنه. گوندێ ئاڤزریك كو ب 50 خێزانان و گوندێ هاوریسكێ كو 107 خێزانان ب خۆ ڤه دگریت. ههروهسا 55 خێزانێن ئهرمهنى ل قهزا سێمێلێ ههنه. دیسان نێزیكى 90 خێزانێن ئهرمهنان ل پارێزگهها ههولێرێ ههنه، لێ ههموو دهربهدهرن و ب تنێ سێ تا چوار خێزان ل پارێزگهها سلێمانیێ ههنه.
پشتى سالا 1914 توركان سهرژێگهههك بۆ ئهرمهنان ل توركیا چێكرى و فهرمانا وان راكرین. ملیون و نیڤ ژ ئهرمهنان هاته كوشتن و هژمارهكا مهزن دهربهدهر بوون و ههر هندهك بهرهڤ جههكى چوون. هژمارهكا وان بهرهڤ كوردستانێ هاتن و پتریا وان ژى بهرهڤ دهۆكێڤه، نها نێزیكى 3200 وهلاتیێن ئهرمهن كو ب زمانێ كوردى دئاخڤن ل كوردستانێ ههنه و پتریا وان ژى ل دهۆكێ نه.
bas news-
