ناڤەندێن چاپەمەنیێن ئەنجوومەنا نشتیمانی یا کورد ل سوریا ساڵا ٢٠١٧ ـێ ب ساڵا دەستەسەرکرنا سەرکردە و ئەندامێن خوە دزێندانێن پەیەدێ دا ب ناڤ دکەن .

ل گۆری داویا راپۆرتا چاپەمەنیێن ئەنجوومەنا نشتیمانی یا کورد ل سوریا ل ساڵا ٢٠١٧ـێ دا کو ١٩١ کەسێن سیاسی ژ ئالیێ پۆلیسێن لەشکەری و ئاسایشا پەیەدێ ڤە هاتینە دەستسەرکرن و هەیا نها چارەنڤێسێ وان نەدیارە و هندەک ژی سەربەست هاتینە ئازادکردن.

بارێن دەستەسەرکرنێن سیاسی ل ساڵا ٢٠١٧ـێ ژ ئالیێ پەیەدەێ ڤە ب ڤی ئاوایی بوون:

- هەیڤا ئێک( کانوونا دووێ): ١٣ دەستەسەرکرنێن سیاسی

- هەیڤا دووێ (شوبات): ٩ دەستەسەرکرنێن سیاسی

- هەیڤا سێ (ئادار): ٦٧ دەستەسەرکرنێن سیاسی

- هەیڤا چار(نیسان): ٥ دەستەسەرکرنێن سیاسی

- هەیڤا پێنچ (ئایار): ٣٠ حالەتێن سیاسی

- هەیڤا شەش(حوزەیران) : ٦ دەستەسەرکرنێن سیاسی

- هەیڤا هەفت (تەمموز): ٥ دەستەسەرکرنێن سیاسی

- هەیڤا هەشت(ئاب) : ٦ دەستەسەرکرنێن سیاسی

- هەیڤا نەهــ(ئەیلوول): ٣٣ دەستەسەرکرنێن سیاسی

- هەیڤا دەهــ (تشرینا ئێکێ): ١١ دەستەسەرکرنێن سیاسی

- هەیڤا یازدە (تشرینا دووێ): ٤ دەستەسەرکرنێن سیاسی

- هەیڤا دووازدە (کانوونا ئێکێ): ٢ دەستەسەرکرنێن سیاسی

پێدڤی ب ڤێ یەکێ ژی (ئیبراهیم برۆ)، سەرۆکێ بەرێ یێ ئەنجوومەنێ نشتیمانیا کورد ل سوریا، بۆ ماڵپەرێ فەرمیی یێ پارتی دیموکراتی کوردستان زەلالکر، پەیەدە ب هەموو شیوەیان دژبەریا ئەنجوومەنا نشتیمان کورد ل سوریا و پارت و کٶمەلێن دناڤ دا دکەت، و ئەو بوونە ئەگەرێ ب هەزاران خەلک وەڵاتێ ب جهـبهێلیت، و ئەوان ژیانا سیاسی و کۆمەلایەتی ل رۆژئاڤا ژناڤ بریە و کەیسا نەتەوەیی لادایە، و ئەو خۆسەپێنە و نە دیموکراسی یە، و ئەو بوونە ئەگەرێ وێ یەکێ کو هەیا نها ب نێزیکی دەهـ سەرکردێن ناڤا ئەنجوومەنێ د زێندانێن واندابن و چەندین ئالیگرێن ئەنجوومەنێ ژی چارەنڤیسێ وان نەدیارە.
kdp-