قایمقامێ قەزا شنگال دیارکرکو ژبەر حەشدا شەعبی خەلکێ شنگال ئەوین بەری ھاتنا حەشدا شەعبی زڤرینە سەر مالێن خوە نوکە جارەکا دووبارە یێ ئاوارە دبن بەرەڤ پارێزگەھێن ھەرێما کوردستانێ دھێن.

مەحما خەلیل، قایمقامێ قەزا شنگال، دیار کر: "ل شنگال رەوشا خەلک گەلەک ھاتیە تێکدان ورۆژانا بەرەڤ خرابی یە دووڤ پیزانینان ئاڤ وکارەب وسووتەمەنیی وئاھێن خارنی نێنن خەلک نەچاربوویە دووبارە دەست ب ئاوارەیی بکەن، ئەو خێزانێن ژبەر حەشدا شەعبی نوکە ژ شنگال رەڤن دووراتیا 600 کیلومەتران رێکی دبرن ھەتا دگەھنە دھۆکێ، ژ بن زۆرداریا حەشدا شەعبی رزگاردبن و کوژمێن مەزن یێن پاری دانە ترۆمبێلان ھەتا خێزانێن خوە ڤەدگوھێزن ژ شنگال بۆ ھەرێما کوردستانێ".

خۆیا ژی کر: "بەری حەشدا شەعبی شنگال داگیر بکەت پتر ژ 20 ھزار کەسان زڤریبوونە شنگال ودەڤەرێن بسەرڤە لێ پشتی حەشدا شەعبی دەڤەر داگیرکری پتر ژ نێڤەکا وان ئاوارە بووینە وجارەکا دێ یێن ھاتینە ھەرێما کوردستانێ ھەکە خەلک دەلیڤێ بخوە ببینن ھیچ کەسەک ل شنگال نامینت".











باسنيوز