ئەندامەكێ‌ جڤاتا قەزا شنگال دیاركر كو ژبەر حەشدا شەعبی شوفێرین ترۆمبێلان كریێا ڤەگوهاستنا رێڤینگا دناڤبەرا شنگال هەتا كەمپێن ئاواران ل دهۆكێ‌ كرینە 150 هزار دینار.



خەلەف قاسم، ئەندامێ‌ جڤاتا قەزا شنگال بۆ (باسنیوز) دیاركر: "بەری حەشدا شەعبی شنگال داگیر بكەت درێژاهیا 150 كیلومەتران وەلاتیان هاتوچوون ناڤبەرا كەمپێن ئاواران ل دهۆكێ‌ بۆ شنگال كرن لێ‌ پشتی حەشدا شەعبی دەڤەرێن مە داگیركرین نوكە دووراتیا 600 كیلومەتران وەلاتی ژ شنگال دهێن هەتا دگەهنە دهۆكێ‌ چونكو حەشدا شەعبی رێكا شنگال بۆ دهۆكێ‌ ڤەنەكر خەلك ژنەچاری ژ شنگال ب رێكا خازر بۆ مووسل بەرەڤ كەمپێن ئاواران دهێن و تووشی گەلەك ئالوزیان دبن ژبەر حەشدا شەعبی هەتا دگەهن".



خۆیا ژی كر: "گرانبوونا كریێا ڤەگوهاستنا رێڤینگا زۆر كارتیكرن ل وەلاتیان كریە بتایبەتی ژی خێزانێن هەژار و دەست كورت نها كریێا ترۆمبیلێ‌ بوویە 150 هزار دینار ناڤبەرا شنگال بۆ مووسلێ‌ دا هەتا دگەهنە دهۆكێ‌".
bas news -