پەیەدە ٥٠٠ ڕۆژە گرتوویهتی.. تاوانی ڕۆژنامهنووسهكه ڕووماڵی بهخاكسپاردنی شههیدێكه
(حەسەن ساڵح) جێگری سکرتێری پارتی یەکێتیی کورد لە سووریا، بە ماڵپەڕی فەرمیی پارتی دیموکراتی کوردستانی گوت: ''چونکە (ئالان ئەحمەد)، لە ڕێوڕەسمی هێنانهوهی جەنازەی پێشمەرگەی شەهیددا ڕووماڵی کردبوو، دەستگیر کرا و بۆ ماوەی ساڵێک زێندانی کرا و دواتر ساڵێک تەواو بوو و ئازاد نەکرا و دادگای پەکەکە پێی گوتبوو، دەبێ ئەو سۆز بدات جارێکی تر ئەو کارە دووبارە نەکاتەوە، بەڵام (ئاڵان ) ڕەتی کردەوە.''
(حەسەن ساڵح) گوتیشی: ''زۆربەی ئەو ڕۆژنامەنووس و سەرکردانەی لە زێندانەکانی پەکەکەدان، چارەنووسیان دیار نییە.''
هەر پەیوەست بەم باسە، ئەمڕۆ یەکێتیی نووسەر و ڕۆژنامەنووسان لە سووریا ڕایگەیاندێکیان بڵاو کردەوە و کۆپییەکیان بۆ ماڵپەڕی فەرمیی پارتی دیموکراتی کوردستان ناردووە و تێیدا دیار کراوە کە جێگای داخە ئەمە ٥٠٠ ڕۆژە ڕۆژنامەنووس، (ئالان ئەحمەد) لە زێندانە و ئەمە کارێکی دوور لە یاسایە و (ئالان) تەنیا کاری خۆی جێبەجێ کردووە.
ئێستا نزیکەی ١٠ ئەندامی ئەنجومەنی نیشتمانیی کورد لە سووریا لە زێنداندان و زیاتر لە ٤٠ بارەگایان سوتێنراون و بە دەیان لاینەگر چارەنووسیان دیار نییە.
kdp-
