حکوومەتی ئەڵمانیا بەبێ رێککەوتن و پێدانی بەش به‌ هەرێمی کوردستان لەو قەرزە، ئامادەنیە قەرز بداتە حکوومەتی عێراق، بەرپرسێکی پارتی ئاماژە بەوە دەدات ئێستا کۆمەڵگای نێودەوڵەتی بە تایبەتی فەرەنسا و ئەڵمانیا بۆ پشتیوانی لە گەمارۆ لادانی عێراق لەسەر کوردستان هاتوونەتە سەر هێڵ.



بەپێی زانیارییەکانی (باسنیوز) کە لە بەرپرسانی باڵای عیراقییەوە پێیدراوە، حکوومەتی ئەڵمانیا بەبێ رێککەوتن و بەشی هەرێمی کوردستان لەو قەرزە، ئامادە نەبووە قەرز بداتە حکوومەتی عێراق کە داوای قەرزی کردووە.



فازڵ بەشارەتی بەرپرسی لقی 12 پارتی دیموکراتی کوردستان رایگەیاند، : هەڵوێستی کۆمەڵگای نێودەوڵەتی لە دوای رووداوی کەرکووکەوە بەرەو باشی رۆیشتووە و پشتوانی هەرێمی کوردستان دەکەن، ئەوەتا عێراق داوای قەرزی لە ئەڵمانیا کردووە بەبێ رێککەوتن لەگەڵ هەرێمی کوردستان ئامادە نەبوون ئەو قەرزەی پێبدەن".



ئاشكراشیكرد كه‌ فەرەنسا و ئەڵمانیاش بەبێ گەڕانەوە بۆ عێراق داوەتی فەرمی حکوومەتی هەرێمی کوردستانیان کردووە.



جەختی لەسەر ئەوەش کردەوە، ئەو دۆخەی بەسەر کوردستاندا هاتووە کاتییە و قۆناغەکە بەسەرکەوتنی گەلی کوردستان کۆتایی دێت.








باسنيوز