پەرلەمانتارێکی پێشووی گۆڕان، ئاماژە بەوە دەدات، کە بزووتنەوەی گۆڕان، بەنیازە رێککەوتن لەگەڵ بەرھەم ساڵح ئەنجام بدات، ئەوەش دوای بێ ھیوابوونی لە یەکێتی دێت.

کاروان ساڵح، ھەڵسووڕاوی پێشووی بزووتنەوەی گۆڕان، رایگەیاند: "بزووتنەوەی گۆڕان دوای ئەوەی شکستی لە ڕێککەوتنی لەگەڵ یەکێتی ھێنا، ئێستا بەنیازە بەلای بەرھەم ساڵحدا بابداتەوە و لەگەڵ ئەو رێککەوتن بکات".

ئەو ھەڵسووڕاوەی پێشووی گۆڕان، ئەوەشی خستە ڕوو کە ئێستاش گۆڕان ناتوانێت جارێکی دیکە متمانەی خەڵک بەدەست بھێنێتەوە، چونکە ”جارێک لە رێککەوتن لەگەڵ پارتی و جارێک لەگەڵ یەکێتی شکستی ھێناوە“.

کاروان ساڵح، ھەڵسووڕاوی پێشووی بزووتنەوەی گۆڕان، ئەوەشی ڕوون کردەوە کە ھەوڵەکانی گۆڕان بۆ نزیک بوونەوە لە بەرھەم ساڵح، ”نیشانەی بێ ئومێدبوون و بێ ھیواییانە لە سیاسەتیان“.

دوێنێ چوارشەممە 20/12/2017، بزووتنەوەی گۆڕان بە فەرمی، رێککەوتنی خۆی لەگەڵ یەکێتیی نیشتمانیی کوردستان، ھەڵوەشاندەوە.










باسنیوز