قایمقامی شارۆچكه‌ی پێنجوێن رایدەگەیەنێت، كه‌ دوای داخستنی به‌هۆی خۆپێشاندانه‌كانه‌وه‌ كه‌مێك پێش ئێستا جارێكی دیكه‌ مه‌رزی باشماخ كرایه‌وه‌.



زانا رەحمان، قایمقامی شارۆچكەی پێنجوێن، راگەیاند: " ئەمشەو جارێكی تر و دوای گرتنی رێگای سەرەكی (پێنجوێن – مەرزی باشماخ) لەلایەن بەشێك لەخۆپیشاندەرانه‌وه‌، بەڵام مەرزی نێودەوڵەتی باشماخ كراوەتەوە و هاتووچۆكردنی ئوتومبێلە بارهەڵگرەكان و تەنكەرەكانی سووتەمەنی دەستیپێكردووه‌تەوە".



گوتیشی: "داواكاری سەرەكی خۆپیشاندەران ، بریتیە لەداخستنی مەرزی نێودەوڵەتی باشماخ، بۆ ئەوەش ئێمە ئەو داواكارییەمان بەفەرمی گەیاندووه‌تە، پارێزگاری سلێمانی و وەزارەتی دارایی و ئابووری حكومەتی هەرێمی كوردستان".



ئاماژەی بەوەشكرد لەخۆپیشاندانەكەی ئەمڕۆی سنووری پێنجوێن، تەواوی هێزە ئەمنییەكانمان خرابوونە ئامادەباشییەوە و پەلاماری هیچ بارەگایه‌كى حزبی و حكومی نەدراوە و هیچ بریندارێكیش نه‌بووه‌ .

BAS NEWS-