چار كچێن دی یێن ئێزدی ھاتینە ئازادكرن
حسێن قائیدی، بەرپرسێ نڤیسینگەها رزگاركرنا رەڤاندیێن ئێزدی دیاركر، د دووماهیا شەڤێ جەژنا رۆژیێ یا ئێزدی دا، نڤیسینگەها وان شیا چار كچێن ئێزدی ئازاد بكەت و ب دیاری بدەتە خێزانێن وان و ڤێ یەكێ ژی كەیفەكا مەزن دناڤ وان بنەمالان دا پەیدا كر.
گۆت ژی: هێشتا 50% ژ وان كچێن ئێزدی یێن ل سەر دەستێ داعش هاتینە رەڤاندن، نەهاتینە ئازادكرن و ئەو كچێن ژ نوی دهێنە ئازادكرن ب هاریكاریا هێزێن كوردی بووینە و بەغدا ب هیچ رەنگەكی یا هاریكار نینە.
قائیدی ئاماژە دا وێ چەندێ كو هەتا نۆكە نێزیكی 3180 كچێن ئێزدی هاتینە ئازداكرن و سەرەرای هندێ داعش وەكو هێزەكا سەربازی نەمایە، بەلێ هێشتا كچێن ئێزدی دبەرزەنە و چ شوینوارێن وان د دیار نینن و گۆت: ئەڤ كچێن ژ نوی هاتینە ئازادكرن خەلكێ گۆندێ تل بەنات و گرزەرك و سنوونێ و كۆچۆ بووون.
باسینۆز
