نێچیرڤان بارزانی، سەرۆكی حكوومەتی هەرێمی كوردستان و شاندی یاوەری ئەمڕۆ چوارشەممە 2017/12/13 لەگەڵ سەرۆکایەتیی پەرلەمان و چەند لێژنەیەک و سەرۆکی فراکسیۆنەکانی پەرلەمانی کوردستان کۆ بووەوە.



لەم بارەوە، نازم هەرکی، جێگری سەرۆکی لێژنەی ئاسایش و ناوخۆ لە پەرلەمانی کوردستان، ڕاگەیاند: نێچیرڤان بارزانی سەرۆکوەزیرانی هەرێمی کوردستان لەگەڵ سەرۆکایەتیی پەرلەمان و لێژنەکانی دارایی، یاسایی و سامانە سروشتییەکان و سەرۆکی فراکسیۆنەکانی پەرلەمانی کوردستان کۆ بووەتەوە".



ئەو پەرلەمانتارە ئاماژەی بۆ ئەوەش کرد: "تەوەری گفوگۆکان لەبارەی داهات و خەرجییەكانی شەش مانگی داهاتووی هەرێمی کوردستان و باری دارایی و گوزەرانی هاووڵاتییانی هەرێم دەبێت"



پێشتر و دوای کەمکردنی بڕە بودجەی کوردستان لە ڕەشنووس و پرۆژە یاسای بودجەی ساڵی 2018 لەلایەن حکوومەتی عێراقەوە، حکوومەتی هەرێمی کوردستان و فراکسیۆنە کوردستانییەکان لە ئەنجومەنی نوێنەرانی عێراق بە فەرمی هەڵوێستیان گرت و ئێستا بە بۆنەی ناڕەزایی کورد و سوننەکان و بەشێک لە پەرلەمانتارانی شیعە پرۆژە یاسای بودجەی ساڵی 2018ی عێراق ڕاگیراوە و پەسەند نەکراوە.







باسنیوز