ئێواره‌ى ئه‌مڕۆ سێشه‌ممه‌ ( 12 / 12 / 2017) له‌ ئه‌نجامى ڕووداوێكى هاتوچۆدا له‌سه‌ر ڕێگاى (كۆیه‌- هه‌ولێر)، شه‌ش ئه‌ندامى خێزانێك بوونه‌ قوربانى.


عه‌مید (شۆڕش كاكه‌)، به‌ڕێوه‌به‌رى پۆلیسى شارى كۆیه‌ له‌ لێدوانێكدا ڕاگه‌یاند:"ئێواره‌ى ئه‌مڕۆ له‌سه‌ر ڕێگاى (كۆیه‌ – هه‌ولێر) ئۆتۆمبێلێكى تایبه‌تى جۆرى (ئۆپترا) وه‌رگه‌ڕا و به‌و هۆیه‌وه‌ شه‌ش سه‌رنشین كه‌ هه‌موویان ئه‌ندامى خێزانێك بوون، بریندار بوون و برینى یه‌كێكیان سه‌خته‌".


به‌ڕێوه‌به‌رى پۆلیسى شارى كۆیه‌، هه‌روه‌ها گوتیشى: "ئه‌و خێزانه‌ به‌مه‌به‌ستى پرسه‌ى خزمێكیان له‌ هه‌ولێره‌وه‌ به‌نیازبوون بچنه‌ چه‌مچماڵ، به‌ڵام له‌ رێگه‌ تووشى ئه‌و ڕووداوه‌ هاتن".


باسى ئه‌وه‌شى كرد، كه‌ دواى ڕوداوه‌كه‌ برینداره‌كان بۆ نه‌خۆشخانه‌ گواستراونه‌ته‌وه‌ و تیمه‌كانى هاتوچۆ و فریاكه‌وتن گه‌شتوونه‌ته‌ شوێنى ڕووداوه‌كه‌.
bas news-