لەلایەن ھێزەکانی پۆلیسی شارۆچکەی پێنجوێنەوە، دوو کەس بە تۆمەتی ئەنجامدانی دزیکردن لەناو پێنجوێن دەستگیر کران.

عەزیز حەکیم، بەڕێوەبەری بەشی پۆلیسی پێنجوێن، رایگەیاند:"دوای ئەوەی شەوی رابردوو، لەڕووداوێکی دزیکردن ماڵێکی گەڕەکی مامۆستایان لەناو شارۆچکەی پێنجوێن ئاگادار کراینەوە، دواتر تیمێکی بەشی پۆلیسی پێنجوێن، بە سەرپەرشتی راستەوخۆی بەڕێوەبەری بەشی پۆلیش و ئەفسەری بنکەی پۆلیسی پێنجوێن، چوینە شوێنی رووداوەکە".

بەڕێوەبەری بەشی پۆلیسی پێنجوێن، ئەوەشی خستە روو، کە دوای ئەنجامدانی ڕێکارەکانی لێکۆڵینەوە، دوانیوەرۆِی ئەمڕۆ سێشەممە 12/12/2017 توانرا دوو کەس دەستگیر بکرێن، کە دەستیان ھەبوو لەتاوانەکەدا.

روونیشی کردەوە، کە ئێستا پەڕاوی لێکۆڵینەوەیان بۆ ڕێکخراوە و ھەردوو تۆمەتبارەکە دانیان بە تاوانەکەیاندا ناوە و دادوەر بڕیاری دا بەبەندکردنیان بەپێی ماددەی (443) لەیاسای سزادانی عێراقی.









باسنیوز