بەپێی ئەو ساڵنامەیەی بۆ ناوەندەکانی خوێندن نێردراوە، وەزارەتی پەروەردە گۆڕانکای لە چەند پشوویەکدا کردووە، لە بڕگەیەکی ساڵنامەکەشدا ئاماژە بەوە کراوە کە لە وەرزی دووەمی خوێندنەوە بۆ ناوەندەکانی خوێندن لە ڕۆژانی شەممەشدا دەوامی فەرمی دەبێت.

لە چەند ڕۆژی ڕابردوودا لە سەرجەم پەروەردەکانی سەر بە وەزارەتی پەروەردەی حکومەتی هەرێمی کوردستان، ساڵنامەی خوێندنی ٢٠١٧- ٢٠١٨ بۆ ناوەندەکانی خوێندن نێردراوە. لە ساڵنامەکە لە ١٠ خاڵدا تەواوی ڕۆژانی تاقیکردنەوەکان و ڕۆژانی پشوو دەستنیشان کراون و گۆڕانکاریش لە چەند پشوویەک و کاتی ئەنجامدانی تاقیکردنەوەکانی خوێندن کراوە.

بەپێی خاڵی پێنجەم لە ساڵنامەکە لە وەرزی دووەمی خوێندندا، پشووی ڕۆژانی شەممە بۆ ناوەندەکانی خوێندن نامێنێت و دەبێتە دەوامی فەرمی.

بە بەڵگەی ئەوەی لە خاڵی چوارەمی ساڵنامەکەدا ئاماژەی بۆ کراوە، پشووی بەهاری ساڵی خوێندنی (٢٠١٧-٢٠١٨) لە ڕۆژی یەکشەممە ١١-٣-٢٠١٨ دەست پێدەکات و لە ٢٤-٣-٢٠١٨ کە دەکاتە ڕۆژی شەممە دەوام دەست پێدەکاتەوە.

لەلایەكی ترەوە بەپێی ئەو زانیارییانەی دەست کەوتوون، سبەی دووشەممە ئەگەری زۆر هەیە وەزارەتی پەوەردە لەسەر ئەم خاڵە گۆڕانکاری لە ساڵنامەکەدا بکات و دووبارە بۆ پەروەردەکانی ڕەوانە بکاتەوە.

دەقی ئەو خاڵانەی کە لە ساڵنامەکەدا هاتووە، بەم شێوەیەی خوارەوەیە:

١- تاقیکردنەوەکانی کۆتایی وەرزی یەکەم لە ڕۆژی یەکشەممە ٧-١-٢٠١٨ دەست پێدەکات و ڕۆژی دوو شەممە ١٥-١-٢٠١٨ کۆتایی دێت.

٢- پشووی یەکەمی ساڵی نوێی خوێندی ٢٠١٧-٢٠١٨ لە ڕۆژی سێشەممە ١٦-١-٢٠١٨ دەستپێدەکات تاوەکو ڕۆژی دووشەممە ٢٢-١-٢٠١٨ و رۆژی سێشەممە ٢٣-١-٢٠١٨ دەوامی وەرزی دووەم دەست پێدەکات.

٣- تاقیکردنەوە بەراییەکان، لە ڕۆژی سێشەممە ٢٠-٢-٢٠١٨ دەستپێدەکات، بەپێی خشتەیەکی تایبەت.

٤- پشووی بەهاری ساڵی ٢٠١٧ -٢٠١٨ لە ڕۆژی یەکشەممە ١١-٣-٢٠١٨ دەست پێدەکات و ڕۆژی هەینی ٢٣-٣-٢٠١٨ کۆتایی دێت، ڕۆژی شەممە ٢٤-٣-٢٠١٨ دەوام دەست پێدەکاتەوە.










باسنیوز