بۆ ئێكه‌م جار پشتى بۆرینا سێ سالان ل سه‌ر داخستنا كه‌نیسا مارگۆرگیس ل تلسقوف، ئه‌ڤرۆ ئه‌ینى جاره‌كا دى هاته‌ ڤه‌كرن و نڤێژ تێدا ده‌ستپێكرنه‌ڤه‌.


مه‌تران ره‌بان ئه‌لقاس مه‌ترانێ زاخۆ و ئامێدیێ ل پارێزگه‌ها دهۆكێ بۆ (باسنیوز) دیار كر، كه‌نیسا مارگۆرگیس ل تلسقوف ل سالا 2014 ژ لایێ تیرۆرستێن داعشێ ڤه‌ هاتبوو وێرانكرن و ده‌ست بسه‌ر كه‌نیسێدا گرتبوو و تلسقوف ژى داگیر كربوو، پشتى ئازادكرناده‌ڤه‌را تلسقوف، جاره‌كا دى ئه‌ڤ كه‌نیسه‌ هاته‌ نووژه‌نكرن و ڤه‌كرن.


ناڤبرى ئاماژه‌ دا وێ چه‌ندێ كو ئه‌ڤرۆ رۆژا ئه‌ینیێ ئه‌ڤ كه‌نیسه‌ ب به‌رهه‌ڤبوونا كونسولێ ئه‌مریكا ل هه‌ولێرێ و فه‌رمانده‌یێن پێشمه‌رگه‌ى و هژماره‌كا مه‌تران و هاوولاتیێن كریستیان هاتیه‌ ڤه‌كرن و ل ژێر ئێمناهیا پێشمه‌رگێ كوردستانێ ئێدى دێ هه‌مى رێوره‌سمێن مه‌سیحیان تێدا هێنه‌ كرن.
bas news -