چالاكیه‌كانی كۆلێژی په‌روه‌رده‌ی بنه‌ڕه‌تی وه‌ك نه‌ریتێكی لێهاتووه‌ و ئه‌مجاره‌ش له‌هه‌فته‌ی به‌ره‌نگاربوونه‌وه‌ی توندوتیژی دژی ئافره‌تان ڕاگرایه‌تی كۆلێژ سمینارێكی ڕێكخست بۆ به‌ڕێز (مقدم ژیله‌مۆ ) كه‌له‌لایه‌ن به‌ڕێز (پ.ی.د. سیروان عاره‌ب صادق) ڕاگری كۆلێژی په‌روه‌رده‌ی بنه‌ڕه‌تی پێشوازی له‌به‌ڕێزیان كرا بۆ پێشكه‌شكردنی بابه‌تێك سه‌باره‌ت به‌پرسی توندوتیژی دژی ئافره‌تان " به‌ڕێزیان له‌سمیناره‌كه‌ تیشكی خسته‌ سه‌ر هۆكاره‌كان و یاساكانی به‌ره‌نگاربوونه‌وه‌ی تووندووتیژی و خراپ به‌كارهێنانی ئامێره‌كانی په‌یوه‌ندی به‌تایبه‌ت انترنیت كه‌ كێشه‌یه‌كی یه‌كجار زۆری له‌كۆمه‌ڵگه‌كه‌مان دروست كردووه‌ و پێویستی به‌ هه‌وڵ و ماندووبوونێكی هه‌مه‌لایه‌نه‌ هه‌یه‌ بۆ چاره‌سه‌ر كردنی . سوپاس بۆ به‌ڕێز ژیله‌مۆ و سه‌رجه‌م ئاماده‌بووان .