سەرۆکێ لیژنا قانوونی ونافخۆ ومافێن مرۆڤی ل جڤاتا پارێزگەھا دھۆکێ دیارکرکو نوکە پرۆژەک یێ دھێتە بەرھەڤکرن بۆ دانانا کامیرێن چاڤدێریێ یێن مۆدرێن ل جھێن گشتی وجادێن ژدەرڤەی باژێری ژی بھێنە دانان.

ئدریس ھەرکی، سەرۆکێ لیژنا قانوونی و نافخۆ و مافێن مرۆڤی ل جڤاتا پارێزگەھا دھۆکێ، دیارکر: "پشتی ھندەک روودانیێن کوشتنی ل پارێزگەھا دھۆکێ ھاتینە روودان مە لیژنەک پێکئینایە دێ دوڤچوونی لسەر کەین کا ئەگەرێن ڤان روودانان چنە دێ گەل لایەنێن ئەمنی ژی کۆمبوون ھێنە کرن ئەم یێ کاردکەین کامیرێن چاڤدێریێ یێن مۆدرێن ل ھەموو جە و دەڤەران بھێنە دانان وەکو وەلاتێن پیشکەڤتی ل جھێن گشتی و جادەیێن ژ دەرڤەی باژێری ھەر جھەکێ پێدڤی بیت ھەموو بھێتە کامیرە کرن".

خۆیا ژی کر: "دێ پرۆژی خوە یێ دانانا کامیرێن چاڤدێریێ رەوانەی لایەنێن ئەمنی کەین دێ چاکسازیا زرکا ل دھۆکێ ژی کەینە نموونە جۆرەکێ کامیر یێ دانایێ زۆر پێشکەڤتی یە دێ کارکەین ئەو جۆرێن کامیرێن چاڤدێریێ بھێنە دانان بۆ کونترولکرنا روودانان".











باسنیوز