پۆلیسی شاری کفری، دەستیان بەسەر چوار بارھەڵگر گرت، کە شوفێرەکەی لە ژێر کەلوپەی گواستنەوەکەیدا، تەقەمەنی گواستبوویەوە.



بەڕێوەبەرایەتیی پۆلیسی گەرمیان، لە راگەیەندراوێکدا، ئەوەی خستوەتەڕوو، کە سەرلەبەیانی ئەمڕۆ سێشەممە 5/12/2017، ھێزەکانی پۆلیسی کفری دەستیان بەسەر ئۆتۆمبێلێکی بارھەڵگر گرتووە، کە پڕبوون لە وردە ئاسنی سکراب و لەژێر وردە ئاسنکەوە چەندین گولەی تەقەمەنی تیادابووە.



پۆلیسی گەرمیان، ئەوەشی روون کردووەتەوە، کە شوفێرەکە لە ناوەڕاست و خوارووی عێراقەوە، ئەو تەقەمەنییانەی بۆ ھەرێمی کوردستانی ھێناوە.


ئەوەش ئاشکرا کراوە، کە شۆفێرەکە بە ڕەگەز عەرەبەوە لێکۆڵینەوە لەگەڵی بەردەوامە، تا بزانێرێت لەکوێوە ھاتووە و بۆ کێی دەڕوات.
bas news-