- زۆرجاران حکومەتا عیراقێ بزاڤێن وێ یەکێ کرینە پێگەهێ هەرێمی ژ دەرڤە لاواز بکەت، و نها ژی بەلگەیەکە بهێزە وەک شرۆڤەکارێن سیاسی نەرینێن خۆ دبێژن: ژنها و پێدا دێ پێگەهێ هەرێمێ ب هێزتر لێ هیت و سەرەدانا سەرۆکێ حکومەتێ و جێگرێ وی بۆ فەرەنسا بەلگەیەکە بەرچاڤە.

(نایف رەشۆ)، چاڤدێرێ سیاسیە، بۆ ماڵپەرێ فەرمیی یێ پارتی دیموکراتی کوردستان گۆت:'' سەردانا (نێجیرڤان بارزانی) سەروکێ حکومەتا کوردستانی و پێشوازیکرن بشێوەکێ فەرمیی ژلایی سەروکێ فڕەنسا گەلەک ڕامانان دگەهینیت و ئاماژەیە بو وێ چەندێ کو هەرێما کوردستانێ پێگەهێ خو ژ دەست نەدایە و پێگەهێ وێ یێ سیاسی و دیبلوماسی و ئەمنی ل سەر ئاستێ نێودەوڵەتی ب هێزە و کورد ل باشورێ کوردستانێ جیهێ بایەخا کومەڵگایێ نێودەوڵەتیە و دۆزا کوردی دۆزەکا نێودەوڵەتیە نەک بتنێ یا گرێدایە ب عیڕاقێ ڤە لەوما مافێ کوردان وەک هەموو مافەکێ ڕەوا نابیت بێتە پێشێل کرن یان هەڕەشە لێ بێتە کرن، ژبەر ڤێ یەکێ ژی دێ پێگەهێ هەرێمێ ژ دەرڤە ب هێز بیت.



ناڤهاتی ئاماژە ب وێ یەکر، هەر چەندە فڕەنسا ڕولێ وێ کێمە ل عیراقێ و ل دەڤەرێ بەلێ فەڕەنسا ئێکە ژ وان 5 دەولەتێن زلهێز ل نەتەویێن ئێکگرتی دێ باندوڕا خو هەبیت ل ناف جڤاتا تەناهیا نێڤدەوڵەتی دا .

ئەو یەکە ژی زەلالکر، هەر چەند هەلویستێ نێڤدوەلەتی دژی ریفراندومی بوویە بەلێ ڕێکی نادەنە عیراقێ کو عیڕاق ب دلێ خۆ دەستوری پێشێل بکەت چاوا وێ بڤێت بۆ بەرژەوەندیا خۆ، و پرەنسیپێن شەڕاکەتێ ل سه ر بنەمایێ تایفی و مەزهەبی بخوازیت و هەروەسا جڤاتا نێودەوڵەتی لسەر دەستیوەردانا ئیرانێ ل ئیراقێ بێ دەنگ نامینیت.

پێدڤی ب ڤێ یەکێ (ئەمیر تەها)، سەرۆکێ کۆمەڵەیا ئەکادیمیا زانستێن سیاسی ل پارێزگەها دهۆکێ بۆ ماڵپەرێ فەرمیی یێ پارتی دیموکراتی کوردستان گۆت:'' شکەستنا سیستەمی فیدرالی ل عیراقی ژ هوکارێن نەبوونا ژینگەهەکا دیموکراسیه و داگیرکرنا داعش و هەڤرکێن تایفی سنه و شیعه و مایتێکرنێن هەرێمی و نیڤدەولەتی د عیراقی دا و نەبوونا بەڵانسێ دناڤبەرا پێکهاتێن عیراقی دا و ئەو بوو دورهێلەک پەیدابوو کو هەرێما کوردستانی وەک دیفاکتو ببیته دەولەت و کونفدرالی رەفتار دگەل عیراقێ و دەولەتێن دەروبەر و نیڤدەولەتی پەیوەندیێن سیاسی و ئابووری و جفاکی و ئەمنی هەبن، بەلێ هەرێما کوردستانێ دڤیا کاودانێن دەڤەرا رۆژهەلاتا ناڤین و تایبەت عراق بخۆ بکاربینن.

دیارژی کر، حکومەتا عیراقێ ب هەموو شیوەیان دژبەریا هەرێمی کر و دڤیان ژ ئالیێ پەیوەندیێ دەرڤە پێگەهێ هەرێما کوردستانێ لاواز کەن و ب داخستنا فرۆکخانەیا و چەندین شیوازا هاتنە هەرێما کوردستانێ و میناک ژی وەزیرێ دەرڤەیێ ئەڵمانیا.
kdp-