ئەمڕۆ چوارشەممە، لەقایمقامیەتی مێرگەسۆر، لە ڕێوڕسمێکدا پەردە لەسەر وێنەی شەھیدی فەرماندە عوسمان پیرانی، لادرا کە دوای راپەڕین یەکەم قایمقامی مێرگەسۆر بووە.



غەفور مەلاسوار، قایمقامی شارۆچکەی مێرگەسۆر، بە (باسنیوز)ی ڕاگەیاند: "ئەمڕۆ چوارشەممە 11/1/2017 لەدیوانی قایمقامیەتی مێرگەسۆر، بەھەماھەنگی بەڕێوەبەرایەتی شەھیدان و ئەنفالکراوانی بارزان و بەئامادەبووانی ژمارەیەکی بەرچاو لە یەرپرسانی حکوومی، حزبی، سەربازی، ھاووڵاتیان و خانەوادەی سەربەرزی شەھیدان، لەساڵیادی شەھیدبوونیدا پەردە لەسەر وێنەی فەرماندە عوسمان پیرانی، لادرا کە دوای راپەڕین وەک یەکەم قایمقامی مێرگەسۆر دەست بەکاربوو"
.


قائیمقامی مێرگەسۆر، گوتیشی: "شەھیدی فەرماندە عوسمان پیرانی، فەرماندەیی بارزان، ڕۆلێکی بەرچاوی ھەبووە لە خەبات و تێکۆشان و بەرگری کردن لەخاک و نیشتمان، بەڵام بەداخەوە دوو ساڵ لەمەوبەر لە میحوری حەسەن شام، لەبەرگریەکی قارەمانانەدا بەدەستی تیرۆرستانی داعش شەھید کرا".

bas news-