لەیادی دامەزراندنی سوپای عێراقدا، داوا دەکرێت، یادی ئەو سوپایە ھەڵبوەشێنرێتەوە و لە کوردستاندا نەبێت بە پشوو، لە بەرامبەردا ڕۆژێک دیاری بکرێت بۆ ئەوەی یادی پێشمەرگەی کوردستانی تێدا بکرێتەوە.

ئەمرۆ 6\1\2017، بەبۆنەی ساڵڕۆژی دامەزراندنی سوپای عێراق، ژمارەیەک لە چالاکوانی کۆمەڵگەی مەدەنی لە شاری ھەولێر، چوونە بەردەم نووسینگەی ھەولێری پەرلەمانی عێراق و لەوێدا بەیاننامەیەکیان بۆ ڕای گشتی و ئەنجوومەنی نوێنەرانی عێراق و حکوومەتی ھەرێمی کوردستان خستەڕوو.

لەو بەیاننامەیەدا ئاماژە بەوە دراوە: ”ناکرێت ئەو سوپایەی کە بەرپرسی سەرکوتکردنی ھەموو شۆڕشەکانی کوردستان و شەھیدکردنی دەیان ھەزار ڕۆڵەی کوردە، یادی دامەزراندنی بکرێتەوە، بۆیە داوا لە حکوومەتی ھەرێمی کوردستان دەکەین، یادی دامەزراندنی نەکاتەوە و پشووەکەشی ھەڵبوەشێنێتەوە، ھەروەھا ئەنجومەنی نوێنەرانی عێراقیش بە یاسا، حکوومەتی عێراق ناچار بکات، قەرەبووی ھەموو زیانلێکەوتووانی عێراق بە گشتی و کوردستان بەتایبەتی بکاتەوە کە لەسەر دەستی سوپای عێراق زەرەرمەندبوون".

بەشێکی دیکەی ئەو بەیاننامەیە جەخت لەوە کراوەتەوە کە پێویستە حکوومەتی ھەرێمی کوردستان ڕۆژێک بۆ پێشمەرگە دیاری بکات و تێیدا یادی پێشمەرگە و سەروەریی شەھیدان و دەستکەوتەکانی پێشمەرگە بکرێتەوە.

لە 6\1\1921دا، یەکەمین یەکەی سوپای عێراق لەسەردەمی ڕژێمی پاشایەتی و لەماوەی ئینتدابی بەریتانی دامەزراوە کە هەر چەند ساڵێک دوای دامەزرانی تاوەکوو ساڵی 2003، بە جۆرەها شێوەی دوژمنکارانە، بەرامبەر بە خواستەکانی گەلی کوردستان وەستاوەتەوە و شاڵاوەکانی ئەنفال و کیمیابارانکردنی ناوچەکانی کوردستان لەلایەن ئەو سوپایەوە ئەنجام دراوە و لە ساڵی 1991یشدا، بە هەزاران تانک و زرێپۆشەوە، هێرشی کردووەتە سەر کوردستان کە بەهۆیەوە سەدان هەزار شەهید و بریندار هەبوون و زیانێکی زۆریش بەر ژێرخانی ئابووریی کوردستان کەوتووە.

لە دوای ساڵی 2003 و دامەزراندنی سوپای نوێی عێراقیش، هەڕەشەکانی ئەو سوپایە لەبەرامبەر خەڵکی کوردستان لە کاتی بەهێزبوونی پێگەی عێراقدا هەمیشە بەردەوام بووە و بە بڕیاری نووری مالیکی، سەرۆک وەزیرانی پێشووی عێراقیش، فەرماندەیی ئۆپەراسیۆنی دیجلەی سەر بە سوپای عێراق، بە هێزێکی زۆرەوە، هێندراوەتە سنوورەکانی کوردستان و هەڕەشەی بۆ سەر خەڵکی کوردستان دروست کردووە، جگە لەو زوڵم و زۆرەی کە لە خەڵکی ناوچە کوردستانییەکانی دەرەوەی ئیدارەی هەرێمی کوردستان ئەنجامی داوە.

ئەمرۆ 6\1\2017، بەبۆنەی ساڵڕۆژی دامەزراندنی سوپای عێراق، ژمارەیەک لە چالاکوانی کۆمەڵگەی مەدەنی لە شاری ھەولێر، چوونە بەردەم نووسینگەی ھەولێری پەرلەمانی عێراق و لەوێدا بەیاننامەیەکیان بۆ ڕای گشتی و ئەنجوومەنی نوێنەرانی عێراق و حکوومەتی ھەرێمی کوردستان خستەڕوو.

لەو بەیاننامەیەدا ئاماژە بەوە دراوە: ”ناکرێت ئەو سوپایەی کە بەرپرسی سەرکوتکردنی ھەموو شۆڕشەکانی کوردستان و شەھیدکردنی دەیان ھەزار ڕۆڵەی کوردە، یادی دامەزراندنی بکرێتەوە، بۆیە داوا لە حکوومەتی ھەرێمی کوردستان دەکەین، یادی دامەزراندنی نەکاتەوە و پشووەکەشی ھەڵبوەشێنێتەوە، ھەروەھا ئەنجومەنی نوێنەرانی عێراقیش بە یاسا، حکوومەتی عێراق ناچار بکات، قەرەبووی ھەموو زیانلێکەوتووانی عێراق بە گشتی و کوردستان بەتایبەتی بکاتەوە کە لەسەر دەستی سوپای عێراق زەرەرمەندبوون".

بەشێکی دیکەی ئەو بەیاننامەیە جەخت لەوە کراوەتەوە کە پێویستە حکوومەتی ھەرێمی کوردستان ڕۆژێک بۆ پێشمەرگە دیاری بکات و تێیدا یادی پێشمەرگە و سەروەریی شەھیدان و دەستکەوتەکانی پێشمەرگە بکرێتەوە.

لە 6\1\1921دا، یەکەمین یەکەی سوپای عێراق لەسەردەمی ڕژێمی پاشایەتی و لەماوەی ئینتدابی بەریتانی دامەزراوە کە هەر چەند ساڵێک دوای دامەزرانی تاوەکوو ساڵی 2003، بە جۆرەها شێوەی دوژمنکارانە، بەرامبەر بە خواستەکانی گەلی کوردستان وەستاوەتەوە و شاڵاوەکانی ئەنفال و کیمیابارانکردنی ناوچەکانی کوردستان لەلایەن ئەو سوپایەوە ئەنجام دراوە و لە ساڵی 1991یشدا، بە هەزاران تانک و زرێپۆشەوە، هێرشی کردووەتە سەر کوردستان کە بەهۆیەوە سەدان هەزار شەهید و بریندار هەبوون و زیانێکی زۆریش بەر ژێرخانی ئابووریی کوردستان کەوتووە.

لە دوای ساڵی 2003 و دامەزراندنی سوپای نوێی عێراقیش، هەڕەشەکانی ئەو سوپایە لەبەرامبەر خەڵکی کوردستان لە کاتی بەهێزبوونی پێگەی عێراقدا هەمیشە بەردەوام بووە و بە بڕیاری نووری مالیکی، سەرۆک وەزیرانی پێشووی عێراقیش، فەرماندەیی ئۆپەراسیۆنی دیجلەی سەر بە سوپای عێراق، بە هێزێکی زۆرەوە، هێندراوەتە سنوورەکانی کوردستان و هەڕەشەی بۆ سەر خەڵکی کوردستان دروست کردووە، جگە لەو زوڵم و زۆرەی کە لە خەڵکی ناوچە کوردستانییەکانی دەرەوەی ئیدارەی هەرێمی کوردستان ئەنجامی داوە.













باسنیوز