سترانیژێ بەریناس یێ خەلکێ دھوکێ (محەمەد پیرۆ) پشتی ھەڤرکی دگەل نەخوەشیەکا گران ئەڤرۆ ل باژێرێ (ئەنقەرە) ل وەلاتێ تورکیا وەغەرا دوماھیێ کر و ل دویڤ زانیاریێن ب دەست (باسنیوز)کەفتین ژڤانە سوبەھی ل ئێکەم رۆژا سالا نوی دا ئانکو دبیتە 1/1/2017 تەرمێ وی ب ڤەگەریتە ھەرێما کوردستانێ.

ھەر ئەڤرۆ سترانبێژێ دھوکێ (عابد دھوکی) بو (باسنیوز) نووچێ وەغەرا سترانبێژێ فلکلوری (محەمەد پیرۆی) پشت راستکر و دیارکر سوبەھی دێ تەرمێ وی گەھیتە خاکا کوردستانێ.

ھەژی گوتنێ یە سترانبێژێ بەریناسێ فلکلوری (محەمەد پیرۆ) ل دەڤەرا بەھدینان خوەدان ناڤودەنگەکیەکا مەزن بویە لێ بەریا دەمەکێ توشی نەخوەشیەکێ بویە و پشتی ھەڤرکیەکا دژوار ئەڤرۆ وەغەرا دوماھیێ کر.

سترانبێژێ ناڤبری ژ دایک بوویێ سالا 1952 یە و ھەر ژ زاروکینیا خوە بەر ب کارێ سترانگوتنێ چویە و ھەتا بەریا چەند روژان کو بەر بھێتە رەوانەکرن بو نەخوەشخانێ وی پشکداری د بەرنامەکێ تلەڤزیونی دا کری.
bas news-