وێڕای بڕیاری شكانی بایكۆت، بەڵام تا ئێستا لە سنووری ئیدارەی راپەڕین، بایكۆتی هێشتا خوێندن بەردەوامە و بەرپرسێكی یەكێتیی مامۆستایانیش دەڵێت بڕیارە ئەو برسە سبەینێ‌ یەكلایی ببێتەوە.

بڕیار عەلی، جێگری لقی راپەڕینی یەكێتی مامۆستایانی كوردستان لە لێدوانێكدا رایگەیاند: "تا ئێستا لە سنووری ئیدارەی راپەڕین، وێڕای چەندین كۆبونەوەی بەڕێوەبەری قوتابخانەكان و پەروەردەی سنوورەكە، جگەلە 3 قوتابخانە كە بایكۆتیان شكاندووە، بایكۆت لە قوتابخانەكان بەردەوامە. "

گوتیشی، "بۆ بڕیاری كۆتایی و شكاندنی بایكۆت یان درێژەپێدانی، بڕیارە سبەینێ‌ شەممە 31ی كانوونی یەكەم، بەڕێوەبەری قوتابخانەكان لەگەڵ مامۆستاكانیان كۆ ببنەوە و شكان و بەردەوامیی بایكۆت بخە دەنگدانەوە و ئەنجامەكەی چی بێت پابەند بن پێیەوە."




باسنیوز