قایمقامی شاری شنگال رایدەگەیەنێت، کە رێکخراوە نێودەوڵەتییەکان لە ترسی چەکدارانی سەر بە پارتی کرێکارانی کوردستان (پەکەکە)، ناوێرن بچنە ناو شارەکەوە.



مەحما خەلیل، قایمقامی شنگال راگەیاند: کە ئەو رێکخراوە نێودەوڵەتییانەی دەیانەوێ شارەکە و دەوروبەری ئاوەدان بکەنەوە، بەڵام لە ترسی گیانی فەرمانبەرەکانیان، ناوێرن سەردانی شنگال بکەن.



مەحما خەلیل هەروەها رایگەیاند، کە کە چەکدارانی سەر بە پەکەکە ئاستەنگیشیان بۆ گەڕانەوەی هاووڵاتییان بۆ سەر ماڵ و حاڵی خۆیان دروست کردووە.



بە گوتەی قایمقامی شنگال، هەر ناوچەیەک لە شنگال چەکدارانی سەر بە پەکەکەی لێ بێت، رێکخراوە نێودەوڵەتییەکان ناچنە ناوی و بەمەش ئەو ناوچانە ئاوەدان ناکرێنەوە.



شنگال شارێکی کوردستانییە، لە رووی ئیدارییەوە دەکەوێتە سنووری پارێزگای نەینەوا، دانیشتووانەکەی لە کوردانی موسڵمان، ئێزدی و مەسیحی پێک دێت.








باسنيوز