زاخۆ.. خۆ پێشاندان دژى داخۆیانیا سروه عهبدولواحید هاته ئهنجام دان
ل دهستپێكێ خۆ پێشاندهران، ب گوتنا سروودا نیشتیمانى یا (ئهى ڕهقیب) دهقهیهكا ڕێزگرتنێ بهرامبهر گیانێ پاكێ شههیدان ڕاوهستیان، پاشان پهیامهك ژ لایێ سهرپهرشتێ خۆ پێشاندانێ بۆ دهزگههێن ڕاگههاندنێ هاته خواندن.
ئهڤه ژى دهقێ پهیامێ یه: " پهیاما خهلك و خێزان و كهس و كارێن سهر بهرزێن شههیدان و پێشمهرگێن قههرهمان یێن قهزا (زاخۆ) بۆ تهڤایا كوردستانێ، پشتى ئهو لێدوانا پهڕلهمانتارا بزاڤا گۆڕان بۆ كهناڵهكێ عهرهبى دایى و تێدا ب زۆڕى ئیهانهیا خێزانێن پێشمهرگه و شههیدان كرى، ئهم ههمى نا ڕحهت و دڵتهنگ كرینه، دناخێ خۆ دا ب ڤێ برینا كویر و دژوار دا، دیسان ب گرانى بریندار بووینهڤه ژ بهر وى ههلویستێ نه مهرد و دویر ژ ههمى پیڤهر و بنهمایێن نهتهوهیى و ئهخلاقى و مافێن مرۆڤى، ب تایبهت پیرۆزیا ئافرهتا كورد، بهڕێز (ئهنجومهنێ وهزیران- داواكارێ گشتى- وهزارهتا پێشمهرگه- وهزارهتا شههید و ئهنفالكریان) ئهم ههمى وهك كهس و كارێن شههیدان، زۆر ب توندى ڤان جوره سوكایهتیان بهرامبهر پیرۆزى و سهروهریێن گهلێ خۆ شهرمزار دكهین و جهێ قهبوول كرنێ نینه بۆ هیچ كهس و لایهنهكێ ل ژێر هیچ ناڤهكێ گوتنێن بێ بنهما و بێ بهختیان بهرامبهر پێشمهرگه و شههیدان بێژیت، ئهڤجا داخوازى یا مه ئهوه هوین ب ئهڕكێ خۆ ڕابن و لێپڕسینێ ب (سروه عهبدولواحد) بكهن و ڕهوانهیى دادگههێ بكهن، ژ بۆ هندێ مافێن ڤى مللهتى ژێ بهێته ستاندن و بگههیته سزایێ خۆ، دا جارهكا دى هیچ كهسهكێ دى جورئهتێ ب خۆ نهدهت و گوتن و بێ بهختیان ب پێشمهرگه و شههیدان نهكهت، چونكى ئهگهر ب خوینا وان عهگیدان نهبا و ب خۆ ڕاگرى و مێرخاسیا وان نهبا، ئهڤرۆ نه كوردستان و نه وهڵاتێن جیهانێ، خۆشى و ئارامى ب خۆ ڤه نه د دیتن، ئهڤجا مه هیڤى یه ڕێز ل داخوازیا ڤى گهلى بهێته گرتن.
ل دوماهیێ، خۆ پێشاندهر ڕژیانه سهر جاددهیان و ب بلندكرنا درۆشمێن جوراو جور، ڕێپیڤانهكا جهماوهرى دناڤ جاددهیێن باژێڕى دا، ئهنجام دا.
bas news -
