وەزیری ناوخۆی عێراق بە وەكالەت رایگەیاند كە هێزەكانی پێشمەرگەی كوردستان رۆڵی كاریگەرییان گێڕاوە لە تێكشكاندنی داعش و ئازایانە ناوچەكانیان رزگار كردووەتەوە. داواشی كرد لە دوای شكستهێنانی داعش لە موسڵ، هەرێمی كوردستان هاوكاری بەغدا بكات.


عەقیل خەزعەلی وەزیری ناوخۆی عێراق بە وەكالەت رایگەیاند پاراستنی سەقامگیریی موسڵ دوای داعش پێویستی بە هاوكاریی هەواڵگری عێراق و هەرێمی كوردستان هەیە و دەمانەوێ هەماهەنگیمان لەگەڵ هەرێم باشتر بێت.


وەزیری ناوخۆی عێراق بە وەكالەت گوتیشی ئێمە لە رێگەی هەرێمی كوردستانەوە هاوكارییە لۆجستییەكان دەگەیەنینە هێزەكانی عێراق لە موسڵ و بەو هۆیەشەوە توانراوە چەندین ناوچەی ستراتیژی لە دەست داعش رزگار بكرێنەوە.
basnews -