پارێزگەرێ دھوکێ، دیارکر سەرپەرشتیا جڤینا لیژنا پیشەسازی ل پارێزگەھێ ھاتە کرن، ب مەرەما بجە ئێنانا ھەژمارەکا پرۆژەیێن پێشەسازی، بۆ خزمەتکرنا وەلاتیان ل دھۆکێ.

ئەڤرو 10/12/2016 فەرھاد ئەمین ئەتروشی، پارێزگەرێ دھوکێ، دیارکر: "دان وستاندن ل سەر ژمارەکا پروژێن پیشەسازی یێن وەلاتییان و کەرتێ تایبەت ھاتنە کرن، گرنگیا ئابوری یا وان پروژان ل سەر ئابورێ پارێزگەھێ کو مل ب ملێ کەرتێ گشتی خزمەتا خەلکێ دەڤەرێ بکەن، ھاتە کرن".

خۆیا ژی کر: "ھەر پروژەکێ پیشەسازی دڤێت ل دویڤ مەرج ویاسایێن وەبەرھێنانێ بھێنە دەست نیشانکرن و پەسەندکرن، مەرەم ژێ ئەوبیت خزمەتا خەلکێ دەڤەرێ و کەرتێ تایبەت بھێتە کرن".

ل دوماھیا دان وستاندنێ لیژنێ بریاردا و چەند پروژە پەسەندکرن و دەستوریا بجە ئینانێ پێرا ھاتە دان، بو خزمەتکرنا کەرتێ تایبەت و خەلکێ پارێزگەھێ.
bas news -