گوته‌بێژی فراكسیۆنی پارتی دیموكراتیی كوردستان، ئاماژه‌ به‌وه‌ ده‌كات كه‌ پارتی به‌ جددییه‌وه‌ گفتوگۆ له‌گه‌ڵ لایه‌نه‌كان بۆ چاره‌سه‌ركردنی قه‌یرانی سیاسیی كوردستان ده‌كات، كۆبونه‌وه‌ش هێز و لایه‌نه‌ سیاسییه‌كان ده‌كات.



د.محه‌مه‌د عه‌لی، گوته‌بێژی فراكسیۆنی پارتی دیموكراتیی كوردستان، له‌ په‌رله‌مانی كوردستان به‌ (باسنیوز)ی ڕاگه‌یاند: "وه‌ك پارتی دیموكراتیی كوردستان، پڕۆژه‌ی سه‌رجه‌م هێز و لایه‌نه‌ سیاسییه‌كانی كوردستان وه‌رده‌گرین و به‌كراوه‌یی ده‌یانهێلینه‌وه‌، به‌ڵام به‌و مه‌رجه‌ی خاڵی پڕۆژه‌كان له‌یه‌كتره‌وه‌ نزیك بن".
گوته‌بێژی فراكسیۆنی پارتی دیموكراتیی كوردستان، ئه‌وه‌شی ڕوون كرده‌وه‌: "وه‌ك پارتی دیموكراتیی كوردستان، به‌جددی له‌گه‌ڵ لایه‌ سیاسییه‌كانی كوردستان گفتوگۆ بۆ تێپه‌ڕاندنی كوردستان له‌م قه‌یرانه‌ سیاسییه‌، ده‌كه‌ین".

ئه‌مه‌ له‌ كاتێكدا هه‌ریه‌ك له‌ بزووتنه‌وه‌ی گۆڕان و یه‌كێتی پڕۆژه‌یان ئاماده‌ كردووه‌، بۆ ئه‌وه‌ی بیده‌نه‌ لایه‌نی یه‌كه‌م، ئه‌ویش پارتی دیموكراتیی كوردستانه‌".
BAS NEWS -