سیاسەتمەدارێکی کورد ئاماژە بەوە دەکات کە تادێت دەستوەردانی سەرۆکی ئیئتیلافی دەوڵەتی یاسا لە هەرێمی کوردستان زیاتر دەبێت، ئەوەش پەیوەندی بە شەقبوونی ناوماڵی کوردستانەوە هەیە.

د.مەحموود عوسمان، سیاسەتمەداری کورد ڕاگەیاند: “کەس بەقەد نووری مالیکی، سوودی لە دۆخی ناوخۆی کوردستان نەبینیوە، ئەوەتا حەیدەر عەبادیش بێ دەنگە، چونکە شەڕەکە بەرۆکی ئەویشی گرتووەتەوە و دوورنییە ئێران و عێراقیش دەستوەردەنە دۆخی ناوخۆی کوردستان، چونکە ئەوە هەفتەیەک بوو گفتوگۆ دەستی پێکردبوو، بەس ئەم هەفتەیە دیدارەکان ساردبوونەوەیان پێوە دیارە”. ڕوونیشی کردەوە: “دۆخی کوردستان زۆر ئاڵۆز بووە، حزبەکان بەرپرسیارن لەسەر ئەم دۆخەکە، چونکە دەستی نووری مالیکی لە کاروباری کوردستان زۆر زیاتر بووە و بەرەو زیاتریش دەڕوات، چونکە مالیکی گەورەترین کوتلەی لە پەرلەمانی عێراق هەیە و کاریگەری باشی لەسەر پرسی مووچە هەیە".

ئەوەشی ڕوون کردەوە: “مالیکی وەک کاردانەوەیەک بەرانبەر بە بارزانی و هەرێمی کوردستان، هەموو رێگایەک دەگرێتە بەر”.















باسنیوز