لێپرسراوی بنکەی پۆلیسی بازیان ئەوەی ئاشکرا کرد کە بەهۆی تەقینەوەیەکەوە لە کارگەی غازی بازیان، نزیکەی 100 کەس ژەهراوی بوون.



عەلائەدین عەبدولقادر، لێپرسراوی بنکەی پۆلیسی بازیان، ڕاگەیاند، کاتژمێر 8:30 دەقیقەی بەیانیی ئەمڕۆ دووشەممە 5\12\2016، لەنێو ئاسنە کۆنەکانی کارگەی غازی بازیان، بوتڵێکی گاززی کلۆر تەقیوەتەوە و بەهۆیەوە نزیکەی 100 کەس ژەهراوی بوون.



ئەوەشی ئاشکرا کرد کە لەنێو بەرکەوتووەکاندا، 4 حاڵەتی ناجێگیر و مەترسیدار هەیە و سەرجەم ژەهراویبووەکان ڕەوانەی نەخۆشخانەکانی سلێمانی کراون.



بەرپرسەکەی پۆلیسی بازیان لە لێدوانەکەیدا ئاماژەشی بەوە کرد کە لەنێو ژەهراویبووەکاندا، ژمارەیەکی زۆری کەسانی بە ڕەگەز هیندی هەن.




باسنيوز