نوێنەری کوردانی ئێزدی لەپەرلەمانی کوردستان رایدەگەیەنێت، کە ئێزدییەکان داوای دوورخستنەوەی میلیشیاکانی حەشدی شەعبی و چەکدارانی سەر بە پارتی کرێکارانی کوردستان (پەکەکە) لە سنووری ساری شنگال دەکەن.

شێخ شامۆ، پەرلەمانتاری کوردی ئێزدی راگەیاند، پارتی کرێکارانی کوردستان بە دروستکردنی میلیشیای چەکداری لەژێر سایەی حەشدی شەعبی ھەوڵ دەدات تۆوی رق و کینە لەناو ئێزدییەکان بچێنێت.
شێخ شامۆ ئاماژەی بەوە کرد، کە بەپێی یاساکانی هەرێمی کوردستان، نابێ هیچ هێزێک لە سنووری کوردستان لەژێر سایەی حەشدی شەعبی دروست ببێت و دەبێ حەشدی شەعبی لە شنگال دوور بخرێتەوە.
بە گوتەی ئەو پەرلەمانتارە کوردە ئێزدییە، خەڵکی شەنگال و ئێزدییەکان سیاسەتی بەحەشدکردن رەتدەکەنەوە و ”دەبێت ھەرچی زووە ئەو پرسە یەکلا بکرێتەوە و کەسێک بەناوی ھێزێک لە دەرەوەی پێشمەرگە گرفت لە ناوچەکە دروست نەکات".





باسنيوز