مەرجەعێ‌ ئایینێ‌ ئێزدیان، دیاركر مەرەما ژ بەنگەوازی ئەوە هەموو خەلكێ‌ مووسل، هەڤكاری بن بۆ رزگاركرنا رەڤاندیێن ئێزدی، داخوازی ژ هەموو هێزیێن پیشكدار د ئوپەراسیۆنا كونترولكرنا مووسلێ‌ دا كەن كچ وژن و زارۆیێن ئێزدیان رزگاربكەن.

بابە شێخ خرتو حاجی، مەرجەعێ‌ ئایینێ‌ ئێزدیان دیاركر: "ل 3/8/2014 ب هزارەها كچ و ژن وزارۆیێن ئێزدیان كەڤتنە دەستێ‌ رێكخراوا تیرۆرستی داع شدا، نها ژێ‌ ئوپەراسیۆنا كونترولكرنا پارێزگەها مووسلێ‌ دەستپێكریە، گەلەك رەڤاندیێن ئێزدیان هیشتا گرتی ماینە دەستێن تیرۆرستێن داعشێ‌ دا".

گوتژی: "ئەم داخوازی ژ سەرۆك هوز و كەساتین مووسل و ماموستایان هەموو تاخ وجینین مووسلێ‌ دكەن، كار بكە ن بۆ رزگاركرنا رەڤاندیێن ئێزدیان".

ب دەستێ‌ رێكخراوا تیرۆرستێ‌ داعشدا نێزیكی 7 هزار ئێزدیان ل شنگال ب شیوەیەكێ‌ هوڤانە و دەرندە رەڤاندن ل باژێری موسلی و رەقە و چەندین دەڤەرێن دێ‌ كرین و فروتن ب رەڤاندیێن ئێزدی هاتە كرن هەتا نوكە پتر ژ 2700 كەسان ژ دەستێ‌ داعش رزگاربووینە هیشتا چارەنڤیسی 3600 كەسین رەڤاندنێ‌ دیارنێنە.










باسنیوز