سیروان بارزانی‌، به‌رپرسی‌ میحوه‌ری‌ گوێڕو مه‌خموری‌ هێزه‌كانی‌ پێشمه‌رگه‌ رایده‌گه‌یه‌نێت كه‌ تائێستا چوارجار پلانی كۆنترۆڵكردنه‌وه‌ی‌ موسڵ گۆڕدراوه‌‌و ره‌خنه‌شی له‌ناڕونی پلانه‌كه‌ هه‌یه‌، بۆیه‌ پێیوایه‌ جارێكی تریش گۆڕانكاریی به‌سه‌ردا دێت.

ئه‌و وتانه‌ی‌ سیروان بارزانی له‌میانه‌ی‌ چاوپێكه‌وتنێكیدا گوتی: هێرشه‌كانی ئه‌مدواییه‌ی‌ داعش‌و تاكتیكی نوێی شه‌ڕكردنی، له‌گه‌ڵ پێداویستیه‌كانی پێشمه‌رگه‌و پلانی كۆنترۆڵكردنه‌وه‌ی‌ موسڵ.

سیروان بارزانی كه‌خۆی چه‌ند جارێك به‌شداری له‌دانیشتنه‌كانی ژووری‌ ئۆپه‌راسیۆنی‌ هاوبه‌ش له‌نێوان هێزه‌كانی پێشمه‌رگه‌و هاوپه‌یمانان كردووه‌ له‌باره‌ی‌ كۆنترۆڵكردنه‌وه‌ی‌ موسڵ، ده‌ڵێت "هێنده‌ی‌ من ئاگادارم ئه‌وه‌ چوار جاره‌ پلانه‌كه‌ بگۆڕن! دواجار بڕیاردرا له‌میحوه‌ری‌ مه‌خمور ده‌ستپێبكه‌ن، به‌ڵام پلانه‌كه‌ به‌و خێراییه‌ نه‌ڕۆیشت كه‌چاوه‌ڕوانیان ده‌كرد، بۆیه‌ پێموایه‌ ئه‌مجاره‌ش ده‌یگۆڕن".