چەکدارانی داعش لە میحوەری خازر چوار گوندی کوردستانی دەسووتێنن کە دانیشتووانەکانیان کاکەیین.

موقەدەم ئەسعەد رەئووف، جێگری فەرماندەی فەوجی چوار، لە لیوای 1ی پاراستنی دامەزراوە نەوتییەکان، لە میحوەری خارز راگەیاند، کاژێر 7ی ئێوارەی رۆژی پێنجشەممە 26-5-2016، چەکدارانی داعش لە میحوەری خارز، چوار گوندی کوردستانیان سووتاند، كە دانیشتووانەكەی كاكەیین".

گوتیشی "گوندەكان بریتین لە وەردەک، تولەبەند، گەزەکان و کولەبۆر و ئاگریان تێبەرداون".

موقەدەم ئەسعەد رەئووف راشیگەیاند، چەکدارانی داعش بەشی زۆری ماڵ و خانووەکانی ئەو گوندانەیان ئاگر تێبەرداوە، کە سەرجەمیان گوندی کاکەییەکانن و کەوتوونەتە سەر رووباری خازر.

گوندەکانی وەردەک، تولەبەند، گەزەکان و کولەبۆر ماوەی دوو ساڵ دەبێت لەلایەن داعشەوە کۆنترۆڵکراون.